【對付濕疹】豆媽：最重要係食啱嘅食物！

2018-07-23

「濕疹」兩個字，真的十分可怕！這個令人討厭的皮膚問題，紅腫痕癢，嚴重的話甚至發炎出水，大人都覺得辛苦，何況發生在BB身上？！爸媽有個濕疹BB，往往身心疲憊，無覺好瞓。

豆媽對以上一番說話感受深刻，因為家中豆B不幸地滿月之後確診患上濕疹，自此爸媽和BB都飽受濕疹困擾，情況到豆B 8個月大時才稍為改善。

▲豆B滿月時因濕疹引致雙頰通紅，見到都心痛。

試過搽類固醇、用偏方都係冇效

從相中可見，剛滿月的豆B，面上濕疹十分嚴重，豆媽見狀不敢怠慢，立刻帶豆B睇西醫，一如所料，西醫只處方含類固醇藥膏給豆B，「無可否認，類固醇的確可以控制濕疹，同豆B搽咗兩日，皮膚已經白滑番，咁我就停用類固醇，只幫豆B搽保濕護膚品。」見豆B在百日宴時皮膚滑滑，以為開始好轉，怎料過了一百日又番發。

▲豆B於百日宴時皮膚滑滑，有靚仔過！

過來人媽媽建議從飲食着手

在無計可施下，豆媽決定聽取其他同路人媽媽意見，試試人家說有效的偏方，「坊間話金銀花水呀芫荽水沖涼有效，試！有人話邊隻保濕護膚品好，又試！」可惜，她用過無數個品牌的保濕護膚品，豆B的濕疹問題始終沒有改善，更加不用說「斷尾」。

在屢試屢敗、屢敗屢試的煎熬下，豆媽直言有點心灰意冷，就在她感到氣餒時，上天給她遇上一位過來人媽媽，「佢話佢BB都有濕疹問題，叫我試吓從飲食方面入手，當BB腸胃好咗，睇吓會唔會有改善！」抱着一試無妨的心態，豆媽開始留意豆B的飲食。「豆B飲全人奶，原來媽媽食乜對母乳有唔多唔少影響，所以我開始食得清淡啲，煎炸濕熱之物盡量避免，然後又服用對母乳有好處嘅補充食品，例如魚油、維他命，希望從飲食上着手對付豆B嘅濕疹。」

雖然注意飲食後豆B的情況斷斷續續時好時壞，但豆媽仍然堅持下去。到豆B 6個月時，豆媽給他轉飲低敏配方奶粉，以減低對腸胃的刺激，同時開始給他試固體食物，「我又喺食物到埋手，選擇一啲對腸胃好嘅食物，一開始不外乎蘋果蓉，所謂『日日一蘋果，醫生遠離我』嘛! 然後就到菜，每日都食綠色菜，真係對便便好有幫助，加固後更明顯。」

▲豆B加固後日日都吃綠色食物。

效果快慢都要堅持

除了綠色食物，豆媽亦有給豆B食用淮山，「淮山又稱山藥，是健脾食材，對腸胃未發展成熟嘅BB有一定好處，加上有俾豆B飲湯水，從食療幫佢增加皮膚嘅水分。」

豆B吃了兩個月固體食物，由菜蓉到粥，每一款食材、每一道食物，豆媽都花盡心思去預備。見豆B皮膚逐漸好轉，豆媽相信已找到對的方法，「飲食係治本，最重要揀啱食物！從飲食着手唔係一時三刻可以好得番，初初加固時每樣食材都要試，豆B有冇敏感先可以行落去，少啲耐性同心機都唔得。」豆媽給各位有濕B的媽媽打氣：「要持之以恆，無論快與慢，都一定有好好嘅結果！共勉之，加油喔~ 」

▲7個月以來豆B的濕疹時好時壞，現在痊癒了，豆B、豆媽都可以一覺瞓天光了！

原來好多媽媽同豆媽一樣面對住BB濕疹問題，立刻登入https://bit.ly/2mnnoZN，睇下其他媽媽點講，仲有營養顧問嘅專業意見添。宜家係https://bit.ly/2ut1AAG分享你和BB首1000日的動人時刻，還可獲贈NUTRICIA多用途布袋乙個，先到先得！