【芳療小分享】告別過勞壓力 以芳香療法調適心情 齊齊做過快樂爸媽

香港人長工時冠絕全球，爸媽每天都忙碌加班，就算返到屋企，收到老細whatsapp，都係又要打返開個電腦繼續工作，忙碌到深夜，根據專家分析壓力太大有可能會引起自律神經失調，當身體出現體力下降、力不從心、疲累但又失眠，甚至產生憂鬱、躁鬱等情緒問題，就要及早檢查，當中更認識一些朋友出現壓力致敏嘅問題。其實大家平時亦要多加注意自己嘅身心狀態，如果長期飽受壓力，不單止生理會出現問題，連情緒亦會受影響。

如果可以工作個陣盡量唔好長時間維持同一個姿勢，許可嘅話每小時就起身行下，返工放工可以多行路取代部分嘅交通工具，把握俾身體活動嘅機會。

如果你成日都會因為工作上嘅嘢感到緊張，除了試下轉換自己心態，同時亦可以試下用芳香療法來紓緩繃緊嘅情緒，以下一些簡單小方法同大家分享:

1. 吸入Lavender薰衣草精油，如果喺office可以喺品質好嘅紙巾上面滴2-3滴Lavender薰衣草精油用嗅覺吸入，薰衣草精油可安撫焦慮、不安等負面情緒，調適過大嘅壓力。

2. 如果喺持續性壓力下，令到記憶力集中唔到、經常感到倦怠，就可以用Rosemary迷迭香精油、Lemon檸檬精油來強化記憶、提升活力。Rosemary迷迭香精油可以用來提振精神之餘，仲可以活化腦細胞，轉換停滯不前嘅低迷情緒。

3. 睡前可以先俾自己去浴缸浸個舒服嘅熱水涼，浸浴個陣可以用Marjoram馬鬱蘭精油，Marjoram馬鬱蘭精油有放鬆情緒嘅作用，有助化解精神上嘅壓力，緩解日常因忙碌而造成嘅負面情緒，如果係對自己有過高嘅要求，身心已經出現不適嘅情況，除了諮詢專業嘅意見，Marjoram馬鬱蘭精油亦可以幫助我們放下執著，支援神經系統。

4. 睡前亦可以使用幫助放鬆嘅精油來diffuse擴香，鎮定情緒、提升睡眠質素。

我自己喜愛使用含有Copaiba苦配巴、Lime青檸、Cedarwood雪松、Vanilla香草、Ocotea奧寇梯木、Lavender薰衣草嘅複方精油來擴香紓緩壓力，放鬆緊繃精神以助入睡。

而Sandalwood檀香精油+ Bergamot佛手柑精油+Lavender薰衣草精油亦係我喜歡用嘅睡眠配方。你會發現Lavender薰衣草精油同Sandalwood檀香精油都可以沉靜心靈，係絕佳穩定心靈嘅精油，助你慢慢進入祥和、平靜嘅冥想空間，比身體嘅疲倦得到釋緩。

當工作累積嘅疲累同壓力已經危害到我哋身心健康嗰陣，我哋就要提醒自己多加休息，使用芳香療法輔助放鬆心情，身體俾我哋嘅警號，大家千其唔可以忽視呀。

希望大家都可以喺我哋生命中重要嘅一環 – 工作中感受到成就感同充實呀!

我和孖寶的Facebook Page: 荔枝與孖寶 

我和孖寶的 Instagram IG#: laichimama

If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com

作者：荔枝孖媽