【幼兒健康】關於幼兒的斜視、鬥雞眼。健康院與眼科專科醫生
2018-06-21
較早前，我哋透過和牛B嘅相發現佢雙眼似乎出現咗一啲問題，我哋留意到和牛左眼瞳孔喺有啲情況下會出現瞳孔向入（眼角） 傾。
於是，我哋去健康院查詢有關問題，健康院姑娘好好，亦為我哋免費安排到健康院問症及檢查。當日去到健康院，一如以往需要度高同磅重。姑娘話體重、身高於正常合格水平。然後，再等叫名姑娘再問一次我哋發現嘅問題。問完症之後，再到大堂等叫名。終於見到醫生，醫生有了解我哋嘅情況，而醫生都簡單說明咗斜視、假斜祝同埋鬥雞係啲咩。
甚麼是斜視?
–正常的人看東西時，兩隻眼睛的視軸平行，雙眼望向同一方向。
–斜視是指看東西時，雙眼的視軸不平行，一隻眼珠注視目標，另一隻眼珠望向其他方向，視線偏離目標。
–不正常的眼珠可以向內、外、上或下傾斜。內斜視是其中一種較常見的斜視。
*資料來源自衛生署
健康院醫生利用電筒叫和牛眼睛追光，醫生話和牛眼睛係追到晒所有位置。但係去到斜視呢一個問題，健康院方面嘅儀器就未能斷症。所以建議家長儘早去眼科專科醫生到檢查，唔好拖到四歲政府檢查。留意一般眼鏡舖視光師係未能斷症。 終於約咗一位眼科專科醫生幫和牛檢查眼睛，醫生幫和牛做咗幾個簡單檢查，包括用一把有圖案嘅間尺，同樣係測試和牛瞳孔可唔可以正常郁動追到圖案。
電筒照清雙眼瞳孔、用手遮蓋和牛一邊眼睛做測試。結果得出和牛絕對係無鬥雞、無斜視，而點解我哋會覺得和牛左眼瞳孔向入傾呢就要追溯番「無人係完美」呢一點，和牛左眼眼角皮膚比右邊生得長，所以遮蓋眼角眼白部分比右邊多咗。所以視覺上，佢左眼瞳孔就好似向入傾。