【綿綿媽媽】回顧懷孕第4-5個月的產檢過程 (Nov-Dec 2017)
2018-04-23
回想起懷孕頭3個月時間， 覺得過得很漫長，好想”綿綿BB” 快D穩定， 但原來過咗3個月後，我都未夠放心，因為仲要等到第5個月照完結構，先敢鬆一口氣，雖然第4個月開始叫懷孕蜜月期，但都唔敢向外公佈，我記得頭5個月都唔太相信自己有咗”綿綿”，覺得好似發緊夢，好唔真實，唔敢咁快開心，唔敢相信自己咁幸運，居然終於可以有BB，認識我嘅朋友及親人都知道我和老公等咗好多年，而且之前曾經失去過，所以真係好多謝上天送比我哋嘅禮物，我會好好珍惜及保護綿綿。
23 Nov 2017
呢日係18W+1D，唔計之前度頸皮，今次係我第一次正式喺瑪嘉烈醫院做產檢，主要都係驗尿，度高，磅重，量血壓，乳房，度宮高，胎位及聽胎兒心跳等檢查。如果情況隱定，日後就會轉介返健康院檢查。
政府醫院覆診時間：12W-24W (每六星期1次)，24W-30W (每四星期1次)，30W-40W(每二星期1次)
今次遇到所有姑娘及醫生都好好，所以我對瑪嘉烈印象都唔錯，當日即時book咗31/1 返來飲糖水測試及下一次健康院產檢時間。另外醫生好好，寫左封 [產前運動班] 轉介信給我到大堂排期，會對將來順產好有幫助。
25 Aug 2017
呢日係18W+3D，St.Paul 做檢查，過咗12W，私家醫生暫時建議我一個月產檢一次。今次謝醫生幫我照咗好多個角度，比多咗幾張相我，佢好細心解釋BB不同部位，仲暗示照到有 “何B仔” ，因為天主教，佢哋唔可以直接同我提性別，但睇張相可能太抽象，我真想像唔到個畫面
哈哈～大家都可以幫下手，睇唔睇得明~
13 Dec 2017
呢日係21W，終於等到呢一日喇，點解咁期待？ 因為返瑪嘉烈醫院幫 “綿綿” 照結構。之前都有聽好多朋友或網上媽媽講，政府照得比較馬虎，所以我都有book定一個私家醫生作後備，因為好似過咗23W照就太遲了。唔知係咪 “綿綿” 好幸運？ 我遇到每個醫生都好好，今次政府醫生幫我照結構都差唔多照20分鐘以上，仲好細緻好請楚講解每一part BB係邊個部位我哋知，手指腳指都每隻數齊俾我哋睇，所有器官都有解釋，話BB好正常，仲主動問我想唔想知道BB姓別，估唔到政府醫院都照得咁認真，可能真係睇有無遇啱邊個醫生~ 不過政府就唔會有相俾返你，如果各位媽媽想要張”金黃色3D相”及DVD留念，就要去私家睇喇!
最後聽到醫生話BB一切正常，係仔仔，好健康，我同老公即時安心晒～
另外Book咗私家醫生照結構，我都打去Cancel咗，因為我對BB有信心，唔想再照喇~
“綿綿” 我地又過咗一關喇，下一關媽媽要飲糖水測試，加油!!!
綿綿媽媽的足跡
https://www.facebook.com/sukimama2018/
https://www.mamibuy.com.hk/home/13092
https://wow.esdlife.com/sukimama
作者：綿綿媽媽