【慈慧幼苗】小朋友頻頻有不當行為 教你用「ABC 兒童行為分析法」拆解

上周末我和朋友，以及他一個三歲半兒子軒軒，一行六人去離島的度假屋玩！最後一日發生了一件尷尬事。

那日大家踩單車後回到度假屋，在地下一層的大廳休息之際，軒軒突然嚷著叫媽媽，更在媽媽面前除褲，表現得非常興奮雀躍，兼用pat pat對着媽媽。碰巧我與另一位朋友在廚房拿著汽水出來見到這一幕，媽媽尷尬得立即抱著他衝入浴室。事後媽媽告訴我一個秘密，軒軒這幾個月常於公開地方除褲，與他講道理話「醜醜」，他仍然不願意穿回褲子。

我嘗試用「ABC 兒童行為分析法」與媽媽分析有何「前因」或「後果」引發軒軒這個不當行為。

我問：「你試吓諗吓呢個星期，軒軒通常幾時會咁除褲？咩公開地方除褲？」

媽媽想了一想，回答：「呀！佢通常沖涼之前就會咁。比較多喺屋企先會咁做。」

我問：「咁你帶咗佢入浴室之後，你會點處理？」

媽媽：「冇㗎，通常就沖埋涼。」

我問：「咁你平時同佢沖涼，有冇留意到有咩事？」

媽媽：「都係嗰啲，但佢成日放個pat pat埋嚟，我會同佢玩咬pat pat遊戲，一玩就會好開心停唔到，玩完先肯著返褲。」

我問：「咁你幾時開始同佢玩咬pat pat遊戲？」

媽媽：「都有好幾個月，我見佢嗰日唔肯除褲沖涼，我咪搵嘢同佢玩。見佢玩得咁開心，就同佢講以後要沖涼先有得玩，等佢會肯沖涼。而家有時佢會一日除幾次褲，唔肯著番，我真係要同佢沖幾次涼㗎！」

如果媽媽夠細心，會發現謎團終於都解開了！