【Saron】沖繩遊之住宿篇

九日八夜的沖繩之旅完滿結束！ 第一次一家四口的旅程很想好好記錄一下。 第一次一家四口去旅行，帶住一個兩歲半和半歲，的確不容易！還要去一人人選擇自駕遊的沖繩without自駕，能夠推住兩架bb 車搭交通工具去到咁多地方，我覺得我哋已經好厲害架啦！ 今次的準備都比較倉卒，唯獨住宿方面是我們選擇得最好的一次。

之前去日本大阪，當時濤濤還未出世，我們當時一家三口都花了不少錢在酒店上，卻換來細到連行李都難放的房間，所以今次再踏足日本，我們就選擇了HomeAway的民宿。

HomeAway 是一個選擇旅行民宿的平台，超過190個亞洲歐美國家都可以搵到唔少民宿選擇，是全球其中一個最大旅行網頁Expedia的分支，比起去旅行搵酒店住，住民宿其實更有holiday feel，一家人可以坐喺客廳hang out，又有廚房可以到當地超市買當地食材返民宿煮，呢d experience 絕對係住酒店無嘅。 一家人特別有小朋友的，其實留在「家/酒店」的時間相對較多，有時回去午睡，有時也不想push小朋友too much，會早點回去休息，所以相對住酒店房，住民宿的地方較大，也一定比較family friendly。

今次因為臨時才發現來不及登記國際牌，所以要住鄰近鐵路和市中心的住宅，Homeaway的選擇好多，以沖繩為例，一個小小的地方都在東南西北區也有住屋的選擇。今次選了最方便交通的這間，行去鐵路站不用三分鐘，只是過條馬路，而行去國際通（市中心）也是十分鐘左右，非常方便。 今次用HomeAway book住宿另一個好處係可以事前跟住所的業主溝通，例如：我哋有兩個小朋友真係好需要有d特別嘅設備，例如：電飯煲、bb牀…

對方真係好好，特登喺我哋到埗前，搵個電飯煲返嚟，見到都好感動，真心感受到賓至如歸嘅感覺，好considerate ，呢d嘢酒店未必會做到。事前溝通好重要，如果事前溝通都感覺唔到對方有心協助你，大可唔搵嗰間屋住，咁多選擇可以搵到啱為止，我地好好彩，第一個業主已經好nice啊！我仲同佢講我哋一家四口，有兩個係小朋友，佢就只收我兩個人嘅錢，咩都有商有量 。

好似今次咁，日本人的家有很多特色，今次我們其中一間房有兩張榻榻米瞓地下，好好感受到當地人的文化，就算小至廚房洗手間都見到他們的生活細緻跟我們有分別，其實去旅行不只吃喝玩樂，投入當地文化，體驗當地人的生活更是特別的經歷。

由於無駕車，我們每天都是靠鐵路和巴士的，只是搭過一次的士（因為實在太貴啦！）主要景點其實都去到，雖然好多時下巴士都要行20分鐘左右的路，但總算去到。 今次本來帶兩小去當地的公園，但亦因為交通問題，所以無去，不過不要緊，細佬太小玩不了，柔謹亦距離三、四歲有一點距離，未必玩得夠盡興！很期待下次回來，兩個孩子長大了，亦可自駕，一定會更好玩啊！

作者：Saron