爸媽心聲： 3歲 仲難搞過trouble two 10個原因話你知
2023-10-11
小朋友兩歲開始進入trouble 2階段，不過其實只係個開始，有唔少爸媽認為小朋友 3歲 更難搞。你又同意嗎？
今晚煮乜好放假親子去邊好？
1. 兩歲時，小朋友識講嘅嘢仲未算多；三歲時，小朋友可以由瞓醒一刻開始講嘢，講到唔肯瞓覺。
2. 兩歲時，小朋友會喊；三歲時，小朋友開始識發脾氣，你開始懷疑每個小朋友唔係天使，係小魔鬼！
3. 兩歲時，小朋友有嘢食就開心；三歲時，佢哋開始好揀擇。（通常對澱粉質及芝士比較寬容……）
4. 兩歲時，幫小朋友沖涼係10分鐘嘅事，之後就會香噴噴，好好攬；三歲時，沖涼係1個鐘嘅事，之後仲要用多16條毛巾，抹返乾個廁所…
5. 兩歲時，小朋友仲係用尿片；三歲時，佢哋開始去廁所，世界因為佢哋嘅腸胃而翻雲覆雨。
6. 兩歲時，小朋友入到玩具店只會俾Peppa Pig吸引住；三歲時，佢哋會俾全間舖頭嘅玩具吸引到唔肯走……
7. 兩歲時，小朋友好乖，著咩都咁可愛好睇；三歲時，佢哋開始有自己嘅衣著品味，要自己揀衫，對每個detail都好執著。
8. 兩歲時，小朋友唔鍾意污糟；三歲時，小朋友最鍾意搞到自己污糟邋遢。
9. 兩歲時，你可以為小朋友完成好多事，慳返好多好多時間。三歲時，小朋友要自己完成好多事，時間從此失晒預算。
10. 兩歲時，小朋友只會直接要求想要嘅嘢。三歲時，小朋友開始學識操縱大人，去得到自己想要嘅嘢，佢哋真係識架！
來源：scarymommy.com
相關文章：