【荔枝孖媽】天然止咳良方：燉洋葱水

正值流感高峰期， 細孖無奈亦中招！最初本來係大孖開始有幾聲咳， 半夜仲發埋燒，孖媽當下即時用了天然療法去幫Caydan處理咳嗽同發燒問題。孖媽基本上係成晚無咩點瞓，不停咁幫哥哥密密用，差唔多到天光時哥哥已經回復番正常的體溫了，而哥哥第二日起身亦都無再咳了， 好開心！

當我未開心完之際， 就發現到細佬仔中招了，  而且細佬嘅咳仲要係有痰，同埋好快就發起燒上來！我見Ramsey真係咳得好辛苦，佢真係完全瞓得唔好，瞓瞓下就咳，就連食食下飯都因為咳嘔返晒d食物出嚟， 仲無咩胃口食嘢， 病一病又輕咗好多。發燒呢一點，可以話係孖媽密密用天然療法去處理之後，總算止住了，第二日細佬仔起身都已經無再燒，但係痰咳就真係有d難搞，我見佢咳到咁辛苦都好心痛。