生活百科|十個收拾小技巧 唔使再幫小朋友執手尾!

2024-09-24


小朋友成日冇手尾,玩起上嚟又咩都唔理,搞到屋企笠笠亂,點到你氹氹轉?呢到介紹十個收拾整理的小技巧,爸媽們活學活用冇煩惱!

 

今晚煮乜好

1.囡囡將頭飾四圍擺,啲橡筋又好似有腳咁,成日唔見?

用鎖匙扣串起橡筋,方便企理!

2.吹泡泡咁開心,但一唔留神就倒瀉……

落公園時帶卷封箱膠紙,將泡泡瓶身痴上牆/柱,就唔驚倒瀉冇得玩!

3.每次畫水彩都好似打仗咁,畫完又要洗顏色碟好麻煩?

下次買雞蛋一於儲起個盒,可以將顏色分開一格格,畫完又唔使慢慢洗。

4.沐浴露一支支放係到,小朋友鍾意擠完呢樣搞嗰樣?

喺浴室高處裝一支橫杆,掛起一個個籃仔,分開小朋友用嘅沐浴用品,每次沖涼再幫小朋友攞落黎,就唔怕小朋友再搞搞震!

5.去郊遊帶午餐盒,拎出嚟全部食物撈埋一齊,唔好睇又唔想食?

用多格食物盒,就唔怕食物撈埋一堆,整齊美觀之餘,仲可以將正餐、生果同糖果放埋一齊,唔使再分幾個盒!

6.食物包裝一開,就倒到成地都係?

下次儲起牛奶/果汁盒個蓋,將佢貼係普通樽上面,就可以好方便咁擰開樽蓋倒食物,唔驚倒瀉。

7.小朋友一做勞作,件衫就唔洗要?

可以係小朋友開始佢嘅大作之前,貼張保鮮紙係身上面,以免整污糟件衫,如果保鮮紙唔夠力,亦可以用衣夾夾實。

8.去旅行要幫小朋友執衫,但衫仔太細成日唔知攝咗去邊?

用保鮮袋將逐套衫Pack好,唔使諗點襯之餘,仲一搵就搵到!

9.BB用品太多,有時都唔記得邊樣打邊樣?

用小型儲物櫃筒一格格分好,拎出嚟就快而準喇!

10.塑膠玩具/牙膠易有霉菌?

為咗杜絕霉菌,可以用熱熔膠封住玩具嘅氣孔,以免入水引致霉菌滋生。

資料及相片來源:Buzzfeed

相關文章:

生活百科|10種 白醋 神奇清潔用途:保養木傢具/清潔地板/驅除塵蟎床蝨……

生活百科|19種神奇 衣物去漬 法 環保又慳錢

熱門文章

珠海 長隆 電單車前輪懸空衝進人群 壓倒多名兒童 園方回應:被撞孩子身體無礙
04-24
天水圍天晴邨16歲少年墮樓 當場死亡
04-22
在職家庭津貼 計劃2025|調整5人家庭職津入息限額 一文睇申請方法、津貼額
04-13
兒童安全 | 媽媽分神接電話 4歲男童泳池內踩空 遇溺 險亡 附救生員導師分享幼兒嬉水8大注意事項
04-23
BB連人帶車被丟 啟德 便利店外 驚揭外傭湊B疑嚴重疏忽照顧
04-24

生活百科|5個步驟煮出完美 溏心蛋 日本雞蛋達人:保證零失敗!
2025-04-16
清洗冷氣機 DIY步驟 專家教5大清洗貼士 發現1情況要即時清洗|生活百科
2025-04-15
生活百科|天氣濕漉漉 霉菌細菌滋生 9大家居去霉 防霉 大法
2025-03-28
生活百科|塞廁所 2招急救技巧 用衣架/保鮮紙就可以做到!
2025-03-27
生活百科 | 用家建議出遊勿攜帶1款 行李箱 可能被罰款$500甚至遭拒登機
2025-03-25
生活百科|專家指1 充電 習慣加速手機電池老化 iPhone用戶只需調整一設定 可以延長電池壽命
2025-03-18
查看更多   ▸