【漫柑遊】超好玩! 奧海城《LEGO®蝙蝠俠英雄傳》活動 ❤️
2017-01-23
嘩！實在太太太好玩
奧海城《LEGO®蝙蝠俠英雄傳》真係近日必去嘅親子活動呀!
一去到已經有好多超靚影相位, 不過小朋友毫好心急要去玩緝拿小丑大任務~
於奧海城及中港薈最多兩間不同商戶以電子貨幣消費滿$500或以 Olympian Kids 積分, 即可換領任務卡一張~
一入到去, 氣氛好緊張!
要於限時3分鐘內完成任務~
其實柑B呢幾個月開始自己睇說明書砌LEGO, 所以基本係難唔到佢。
但因為氣氛好緊張, 小丑又不停講嘢, 搞到柑B手震震咁問我:「係咪我完成唔到任務小丑就會嚟捉我? T_T」
我答佢:「你放心啦, 小丑好忙架, 唔得閒嚟捉你XDDD」
任務一
砌蝙蝠俠飛船, EASY JOB!
任務二
按指示砌鎖匙, 一樣OK
任務三
小朋友發揮自己小宇宙, 用自己的方法困住呢2個壞人
好好玩呀!
完成任務仲有證書同貼紙
之後就可以繼續出外面《LEGO®蝙蝠俠英雄傳》體驗區玩 (完全免費架)
咁多LEGO 小朋友開心到震!
LEGO® Bricks Creative Wall 大人小朋友都中意~ (呃 like 呃 like)
好靚啊~ (唔係我砌架XD)
柑B同朋友仔不停砌砌砌, 佢地話呢個係一個好大嘅監獄!
因為 Creative Wall 有3面好大嘅牆, LEGO亦好充足, 小朋友們各佔一角, 大人砌上面, 好和平~ HAHA ~
玩玩玩, 唔該, 媽咪我好肚餓呀 ~
但2 位大爺唔肯走, 我同朋友&妹妹一齊捱麵包 ~ HAHA!
最後當然要去狂影相放 facebook 呃 like!
柑B仲帶埋M記私伙 mask 去影相~好投入~
各式的展品柑B睇到眼金金 (其實柑B都有唔少LEGO 收藏架)
再同巨型蝙蝠俠、 LEGO 小丑影相!
玩足3小時~
到9點關門， 我哋亦終於放飯XDDD
絕對係LEGO® 蝙蝠俠迷朝聖必到! 更有最新最齊全港獨家首度曝光限量版電影產品~
P.S. 場內特設《LEGO®蝙蝠俠英雄傳》俠期間限定店，提供最新最齊《LEGO®蝙蝠俠英雄傳》產品。
完成《LEGO®蝙蝠俠英雄傳》體驗區後於限定店購買任何《LEGO® 蝙蝠俠英雄傳》電影產品更有機會獲贈限量版迷你 Bat mobile 蝙蝠車乙架。
大家千祈唔好錯過呀
日期︰19 /1-16/2/2017
時間︰12nn-9pm
地點︰奧海城2期地下主題中庭
作者：漫柑遊．柑柑媽與柑 BB
facebook page: 漫柑遊．柑柑媽與柑 BB