「我的合味道工作坊」唔洗飛日本! 網上預約就玩到!

Yeah♪───Ｏ（≧∇≦）Ｏ────♪

還記得之前合味道曾來過香港辦工作坊，但得果2日又要walk-in又勁多人真係唔洗玩(￣O￣;)

另，普通人又點可以飛去日本玩丫～

（雖然我幾年前去過大阪合味道玩，但我諗我還是一生人只去一次）

但現在，日本合味道工作坊在香港登陸！長期有得玩～仲可以網上預約唔洗等，好方便好方便，價錢$仲物超所值！

「我的合味道工作坊」設立在香港機場T2童夢城，老老實實，我間中都來T2行下食下，呢度平時真係好靜，而家開左合味道，終於有返d生氣！

工作坊呢度好大！感覺仲大過大阪～

黎到一定要同杯麵牆合照！好宏偉啊～～～

杯麵牆是港版合味道，特別親切！

還有日版的～

東南亞版都有，來到慢慢欣賞啦！

只要在門口登記左，一入工作坊就可以開始整你的專屬杯麵的了！

第一步消毒雙手～

第二步取杯麵個杯和透明蓋，並蓋好杯麵～

最後取落單紙，之後用來交職員下配料的唷～

拎左個杯就可以找個位畫杯麵～

湯底有最受歡迎的香辣海鮮湯～

我自己就比較中意咖哩味(^з^)-☆

配料中的「芝士」是特別從日本帶過來，港版合味道冇一款有芝士架，記住點芝士呀！

我的低能畫作⋯⋯

畫好杯麵寫好落單紙便可以交工場製作杯麵～

全透明玻璃睇住整杯麵過程，清清楚楚～

工作人員會邊做邊解釋，要把杯倒轉，才能把麵入到剛剛好～

自己轉個杯麵先～

每做完一個step就會交比下一個～

每取一隻配料，工作人員都會形容果隻配料有幾好味！

之後封蓋～～

再套上包裝紙～

再以真空壓縮包裝紙～

製成的杯麵經過隧道跌出來！

拎到杯麵可以去整漲卜卜袋～

泵氣吹漲袋子便可以～

穿埋條紅繩就可以孭住出街，係咪好型呢？

還有來到打卡熱點：巨型合味道海鮮杯前影個合照便大成功！

整個活動約30分鐘，費用只需$30，就可以帶一個自己專屬的杯面回家，非常物超所值！

去到機場唔洗搭飛機飛日本，在香港都可以玩到「我的合味道工作坊」真是超開心！

我覺得這裡地方大過日本，而且寫中文繁體字和說廣東話特別同聲同氣，選香港獨有的味道和配料好有親切感！

皮爸話如果呢道有福袋賣就正，唔洗等暑假的美食展才買到，真係wor，合味道應該諗諗佢，多一個商機，又可以令客人滿載而歸～

下篇blog同大家分享全球首個「我的出前一丁工作坊」，由麵粉變成公仔麵是如何鍊成？下回再分解啦！