Sir Face自細鍾意趁爸爸去廁所闖門 網民安慰洪永城:唔怕臭,係真愛
2024-09-26
40歲洪永城與梁諾妍(Inez)婚後育有大女「Sir Face」洪靖嵐(Amber)和「Sir Face2.0」細女Beryl,兩個女兒都盡得爸爸的強大基因,三父女十足餅印。洪永城和梁諾妍經常在IFG分享女兒日常生活,大女「Sir Face」萌到爆的行為,一直受網民歡迎,日前洪永城貼了一段被大女「Sir Face」打擾「好事」的短片,他竟然覺得失落!
洪永城日前IG貼上一段大女「Sir Face」的短片並說:「我覺得有啲特別奇怪,定係佢有啲特別嘅癖好?有冇爸爸媽媽有相同嘅經歷?原本諗住儲耐啲先post ,因為佢已經唔再敲我門了,短暫的回憶。」原來洪永城多次「開大」的時候,總被大女「Sir Face」拍門打擾,於是洪永城都會拍片記得這個過程,片中所見,大女「Sir Face」看到爹哋開門後,一時遞上水樽,一時掩着嘴仔奸笑,又或者對着爹哋大講BB話,因每次都有不同的萌樣,不少網民睇咗重點,紛紛留言大讚大女「Sir Face」得可愛。
媽咪梁諾妍亦有加入討論行列,她說:「第時到第2個都會係咁開你門。」洪永城反問老婆:「係好定唔好?」楊潮凱更加一把口:「約埋一齊開門!」胡杏兒亦留言:「真係好似你。」洪永城笑言:「真係冇辦法唔似我!」其後亦有網民問洪永城:「到底收集咗幾多廁所片?」洪永城坦言有20條。不過亦有「同道人」安慰洪永城:「我諗係父母都經歷過,靜靜地畀我痾個屎唔得嘅,仲要開住度門。」、「要好好珍惜,時間真係眨下眼就過。」、「佢完全無介意臭同尷尬,絕對係真愛呀~~」
獲星島頭條授權轉載
更多文章: