連詩雅 順利產女！5.9磅小公主激似媽媽 陳家樂親剪臍帶

連詩雅 （Shiga）與老公陳家樂的小公主Camila今日（18日）出世，連詩雅與陳家樂向大眾報喜，透露母女平安，女兒Camila重5.9磅，初為人父的陳家樂剪完臍帶既興奮又感動，抱著女兒Camila爆喊！

家樂一早向公司請假，要陪太太入產房、親手剪臍帶，見證女兒誕生，看到囡囡眼仔碌碌，腳撐撐，心情更是久久不能平復，語帶激動說：「BB啱啱出咗世，好開心！出嚟已經非常之活潑，喺度到郁手郁腳，佢哋話隻眼似媽媽，個鼻同口似我，但我唔係好分到，宜家仲有啲緊張有啲頭痛，頭先都幫BB剪咗臍帶，個經歷係好特別，好煙韌…..我唔識講。」

初為人母的連詩雅同樣緊張，未正式推入產房時上身已經緊張到不停震，最後需要打了很少量鎮靜劑平復心情，連詩雅說：「之前真係好緊張，上身不自主在震，但到生嘅時候又發現冇想像中痛，囡囡又好乖好快就出嚟，見到囡囡出世一刻，好興奮、好感動，咩痛都唔記得晒！更神奇係囡囡喊嘅時候，只要抱佢係自己身邊，佢自自然唔再喊！」剛生完連詩雅表示感覺是有點疲累，但為了囡囡健康，已嘗試餵人奶，在看到囡囡嘴郁郁手撐撐，所有痛、辛苦都變得值得，完全感受母愛偉大！

連詩雅 母女合照：

陳嘉樂：覺得自己好唔負責任

陳家樂亦在IG分享：「我以為自己好唔緊張，可以好冷靜去安撫住太太生BB，諗左1000個笑話、500個爛gag，結果入到產房我係緊張到有種窒息感，一個都講唔出，唯一講到出口既只有一句I love you！其實呢段時間，我覺得自己好唔負責任，臨生前幾星期飛左去拍劇，一路都好擔心。但陳太真係好堅強，照顧好自己，仲做好晒準備功夫。BB今日平安出世，媽媽係最偉大。」

獲星島頭條授權轉載

其他文章：