【小小豬】消暑袪濕冬瓜湯
2016-07-10
夏天飲咩湯好，緊係一啲既可以消暑又可以袪濕湯水，最重要都係要清清地，所以冬瓜真係一個唔錯選擇。見街市啲冬瓜實在太抵了，四蚊就有大大舊，而且見店員係原個即開夠新鮮，所以就去買材料，煲返個消暑袪濕冬瓜湯啦！
見上次我用雲苓蓮子薏米南豆依啲材料煲袪濕湯，小小豬都飲得津津有味，好味嘅湯係唔怕飲，既然佢鍾意就再煲多一次啦，不過今次店員就教我加埋荷葉一齊煲，咁就可以袪濕消暑同時做到啦！
材料方面就有豬肉眼$40、冬瓜約一斤、蜜棗4粒(忘記影相..哈哈)；雲苓、蓮子、薏米、南豆及荷葉，藥材份量方面你同藥材店職員講大約幾多人飲用，佢就會幫你執份量啦~
瘦肉洗淨汆水備用，藥材就浸洗一陣~ 
冬瓜乾淨切件(記得切大嚿啲，煲完之後可以食埋啲冬瓜)，冬瓜皮、瓜瓤和瓜仁都唔清走，因為加埋一齊煲就可以加強消暑功效呀~ 
煲內放約3L水，水滾後放入所有材料~ 
待再次滾起時，先繼續用大火煲約15分鐘，然後加入冬瓜~