【名人媽媽】陳爽：細B冇有怕，慢啲咪慢啲囉！

有家長因為有咗小朋友對「贏輸」好敏感；而選美出身的陳爽，反而因為囝囝梁駿彥（Adrian）變得不再在乎「贏輸」。Adrian現在20個月大，正正是個10月細B，不少學校會對9月後出生的細B家長講明年請早，陳爽就話：「慢啲咪慢啲，或者佢下一年再讀囉！」

 無限信心　那一天孩子會飛

陳爽12年與圈外人金融才俊梁梓軒結婚，14年10月一索得男。若果以近期熱話「贏在射精前」做標准，陳爽確實係「輸」咗。她直認大細B有分別，帶兒子去PN班面試，「有BB已經講到apple、orange，我個仔仲攞住啲生果玩具想食。」

不過陳爽一啲都唔急，「佢太細個喇，唔係呢一刻比較，叻就代表成功喇，人生就會好光明。」陳爽一樣會join媽咪group，還以朋友的經歷引以為鑒，「大家平常可能一歲就識行，但有個BB到15、16個月先識行，嗰位媽媽一直都好信心，認為『冇嘢呀，佢始終都會識行』。佢嗰種信心令我覺得，有時我哋會好趕，只係因為怕佢落後。」她深信，只要給孩子足夠的信心，他總有一天會成長。

▲Adrian開始有Trouble 2跡象，陳爽以溫柔態度「冧」囝囝

▲陳爽指海參有助小朋友腦部發展，雖然處理工序繁複，仍會以此煲粥仔或煮意大利飯給兒子

 選美之後　因兒子慢下來

「由有人講『贏在起跑綫』嘅時候，我已經好唔同意。點解人一生出嚟就要去跑？唔係話邊個打贏邊個就係叻。」可是，這句說話出自選美出身的陳爽口中，或不夠說服力。因為陳爽選美前，已經積極參與學生選舉，曾當選大學的中國大學生聯合會副主席，以及中國大學生和平大使冠軍。

 「當時讀經濟，讀的大學也比較好，個人的ambitious（野心）會大啲，認為自己要做好偉大嘅事。但在社會接觸人多咗，發現就算冇讀過名牌大學，一樣會有自己的嘅經驗，識待人接物。所以而家唔再有aggressive（進取）嘅心理，好平和。」當然，兒子的誕生亦有影響，「會理解到人生要take your time（慢慢來），以前老師都會咁樣對我講，但唔會明；而家會留意多啲咩人要關愛，注意相處、溝通。」（陳爽留學經歷詳見「【名人留學記】陳爽：把握留學的黃金時間」）

▲兒子是讓陳爽慢下來的原因

 無懼壓力　為兒子選本地學校

講完一堆理論，如何實踐才是重點。Adrian即將入讀本地傳統幼稚園的PN班，陳爽亦打算讓兒子讀本地小學。不選國際學校，除了想小朋友中文學得好，亦因為老公的經歷 —— 梁梓軒於傳統學校St. Joseph成長，之後到劍橋大學升學，「中學好有凝聚力，佢就算離開咗咁多年，仍然會好有熱情參加舊生活動，為自己為學校一份子感到驕傲。」在內地成長的陳爽雖然笑說不理解，但都希望兒子會能夠順利考入丈夫母校。

雖然本地學校一直被詬病太催谷，陳爽並不擔心，「啲嘢可能學得深啲，俾佢辛苦吓先啦。可以試咗先。當然，如果太辛苦我都可能會心軟。」陳爽亦與老公講好，若果小朋友讀書不夠好，也要以正面的方式推動，要顧及孩子感受，「好似外國的小朋友，佢可能講咗啲好stupid嘅嘢，家長一樣會話拍手講『hey yeah, good boy!』」對於兒子期望，陳爽希望他能追求自己所愛，「可以喺工作入面享受到做嘢嘅快樂，當然喺社會有少少嘅成就，我都會好開心。」

▲夫婦堅守「一家長一語言」原則，陳爽負責講普通話，老公則負責講英文。

萬千寵愛 小豆丁偏愛朱璇

Adrian這個小男孩好幸福，不只有家人疼錫，還有6、7個靚女契媽愛錫，包括朱璇、宋雙佳、翁佳妮等，「Adrian最鍾意阿璇，佢哋兩個性格有啲似，古惑！」當其他契媽都錫住契仔，朱璇這位魔鬼契媽就會整惑Adrian，「你古惑吓我，我古惑吓你咁。又會鬥演戲，扮射槍，阿璇就扮中槍倒地！」咁好玩，自然得契仔歡心。

▲朱璇與Adrian齊齊搭飛機

陳爽形容，當了媽媽後有如打開另一道知識大門，認識了許多育兒之道，不過見到姊妹，又會回到未生的日子，「仍然好似o靚妹咁，大家會自拍、影吓相。」姊妹們可有受陳爽影響想生番個？「我都想呀，Adrian有多啲朋友陪佢一齊玩，但佢哋都有自己嘅計劃。」至於陳爽和老公，一樣有計劃，「快喇，快喇。Adrian PN後，時間會充足啲。」為此陳爽都積極養好身子，少去夜街。她和其他爸媽一樣，是仔是女都無所謂，「2個BB一隻狗，就已經啱啱好喇！」

▲陳爽產後仍明艷照人，建議媽媽們要把握坐月肌膚重新的重要時刻，可選燕窩進補。

撰文：方子晴
攝影：褚樂琪
部分圖片由被訪者提供
鳴謝場地提供：Habitat

其他文章： 【名人留學記】陳爽：把握留學的黃金時間」
                     【名人親子】王喜 自我犧牲的父愛
                     【演員與足球員】徐榮父子：辛苦都要堅持