【大仁】免費攞Starbucks咖啡渣做吸味包包，同臭味講拜拜
2016-05-21
SY經常投訴:「好臭間房」, 其實我也不時覺得木櫃內很大甲醛味, 可惜苦無對策. 不過, 上星期舅仔介紹:「用咖啡粉啦…吸濕又吸臭味」
我:「我通常飲罐裝咖啡, 無粉喎」, 舅仔:「你可以去Starbucks攞咖啡渣, 唔駛錢呀!」(免費咁正??)
舅仔:「係呀! 不過, 你攞返屋企要放入焗爐焗乾佢, (我都無焗爐), 微波爐都得, 你每5分鐘咁叮, 每次攪混攤凍再叮, 叮2-3次就得」
(之後點呀?) 舅仔:「記得攤凍晒先好入袋呀, 可以循環再用, 2個月左右, 再放返入微波爐叮下佢, 又用得返」
本來我認為「平嘢無好, 好嘢無平」, 免費又怎會好用…原來大錯特錯…
一細包, 竟然50呎房間的怪味都可以癖走, 而且還散發淡淡的咖啡香…
我心諗:「其實, 可唔可以指定要邊款咖啡渣呢? 如果有水果香味嘅咖啡渣…咁我間屋米可以變做雜果賓治囉…正喎」
作者：大仁生活