【公眾泳池攻略】全港21個嬉水池邊個最啱玩?


全年適用

世上冇最好玩嘅泳池,但就有最啱你同小朋友去嘅公眾泳池!

現時全港有43個公眾泳池。睇番康文署網頁,唔計暫停開放嘅堅尼地城游泳池,當中有21個有嬉水池。原來港島區小朋友最陰功豬,得返兩個公眾泳池有嬉水池玩。而新界區就最精采,約10個泳池有大型滑梯,好似水上樂園咁好玩。

到底… 有邊個泳池值得跨區去?有邊個泳池有最多滑水梯?有邊個泳池最少人幫襯?有邊個泳池最啱自己小朋友玩?睇完呢個攻略就一清二楚晒啦!

你可能想知…
上康文署網頁,會發現有幼童池、兒童池、嬉水池、戲水池… 其實到底邊個先啱玩?
康文署話我哋知,原來幼童池同戲水池都啱3歲以下小朋友玩;兒童池就適合14歲以下兒童及幼童,三者都可能有嬉水設施。
而嬉水池通常係不規則形狀,部分設有較豐富嘅嬉水設施,如大型滑水梯、蘑菇形水簾、噴水池、多用途組合嬉水設施等等。

港島區泳池 最啱幼童玩

港島區一共有9個泳池,本來有三個泳池有嬉水池,不過堅尼地城游泳池於上年底已經暫停開放,2017年先開番。想玩水可以去柴灣游泳池以及港島東游泳池。另外位於黃竹坑的包玉剛游泳池係全港島區最大公眾泳池!雖然冇嬉水池,但兒童池和戲水池都有玩樂設施。

【柴灣游泳池】


(康文署網頁圖片)

柴灣游泳池有3個嬉水池,當中有小型滑梯和噴泉,啱晒幼童玩。

地址:香港柴灣新廈街345號
夏季開放時間:上午6時30分至中午12時;下午1時至5時;晚上6時至10時
清潔日:星期二

【港島東游泳池】 


(康文署網頁圖片)

港島東游泳池有2個室內嬉水池,內有水槍可以大戰;鄰近還有香港電影資料館,可以順便參觀。

地址:香港西灣河鯉景道52號
夏季開放時間:上午6時30分至中午12時;下午1時至5時;晚上6時至10時
清潔日:星期三

下頁:同你講九龍區之選


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸