【環保袪濕】達人醒你 4 款最天然的吸濕法寶！
2016-03-21
這陣子天氣開始潮濕，連小朋友都變得不願到處走動，情況嚴重的時候家具發霉當然不好看，養出來的霉菌胞子更有可能引致過敏性休克，對細路同懷孕媽媽都構成威脅。但屋企地方細細，放抽濕機又嫌太佔位，市面可供購買的防潮珠、吸濕盒等產品有欠環保之餘，又不清楚內裏的化學成分會否對身體造成影響，是否令各位爸媽好苦惱。
不過大家又不用過分擔心，試問世上有甚麼比天然吸濕更安全呢？問過自然脈絡的野人，他表示原來曬乾的橙皮是吸濕的好幫手，製作還很簡單呢！
1. 吸濕橙皮香包
材料：
橙皮、剪刀、絲襪／網袋／紗布袋
製作方法：
1. 將橙皮剪成條狀或粒狀。
2. 把剪好的橙皮曬乾或風乾，令它進入一個乾透的狀態，摸下觸感覺得較乾爽及脆身即可。
3. 把橙皮放入網袋 (絲襪或紗布袋均可) 然後封好。
4. 製成的香包便可放進衣櫃或其他需要吸濕的地方，即可發揮功效！
5. 當吸收了一定水分之後，橙皮的觸感就會變得柔軟，甚至見到差不多開始發霉的話，就是應該更換的時候了。
製作小貼士：
野人仲同大家講，除咗橙皮之外，柑皮、檸檬皮、西柚皮等芸香科植物的果皮都有同樣功效！網上亦流傳把橙皮放進微波爐裡加熱數分鐘去水的方法，貪快的家長不妨一試。
食橙解渴又有營養，橙皮可以驅蚊和保持空氣清新，好處和用途都很多。不過平時少食水果都唔緊要，下一頁大家可以再睇有甚麼家居用品同樣可以變身成為吸濕法寶！