【玩樂才是正經事】佢一直冇咁癲架，點算呀？

小女孩的爸爸媽媽找我，為女兒的行為及情緒進行咨詢：

「星期一朝早開始，媽媽返工，妹頭唔俾媽媽走，日日都搞咗好耐，都唔得。咁媽媽最終都要走，因為再唔走就遲晒到。跟住每次妹頭都癲咗咁，對住門口大喊，又喺屋企喊住跑嚟跑去。佢一直冇咁癲架，點算呀？你有咩意見，定係要見下心理醫生？」

然後，我請爸媽從頭細緻地陳述每一個情景：

媽媽和女兒分別幾點起牀？
有沒有一些活動以往一起做的卻沒有做（如吃早餐）？
女兒有沒有說不讓媽媽走的原因？
過程中爸媽說了甚麼？
媽媽要出門時，女兒在哪裏道別？（門前站著？爸爸抱著？）
女兒對住門口大喊，爸爸如何反應？
女兒在屋內由哪裏跑到哪裏？
每個過程維持多久？
女兒最終如何平靜？

爸媽很關注女兒的情況，認為她好像瘋了一樣。後來經過細緻的提問與回想，我們終於取得一點頭緒。原來她「瘋了」的表現，跟爸爸的做法相關。

「你提到女兒喺門前跟媽媽道別，又提到女兒突然瘋了打開門大喊，門，唔係一路開緊？」

「佢企門口同媽媽講拜拜，跟住媽媽一走，佢喊，咁我唔想嘈到人，咪叫佢唔好喊，佢繼續喊，咪拉番佢入屋關門囉。跟住佢就發癲跑返去開門，大大聲喊。」

「然後呢？」

「我又抱番佢入屋，跟住佢就喺屋企狂跑。」