【小周董世界】媽媽幾年間的大轉變，生B前後大不同。
2018-07-24
上星期的起心肝清一清電話入面d舊相，俾我見番十年八年前嘅自己，先發覺短短幾年間自己真係有好大轉變，由以前喺朋友眼中的傻婆，變成現在喺小朋友眼中的媽媽，唔睇番D相都唔發覺原來可以轉變咁大。
以前……覺得女仔一定要有一把長長頭髮，要識得化下妝，得閒打扮下，所以高跟鞋同我形影不離，另外每星期點都有1-2日放工後飲番2杯酒…放鬆下心情， 正!!!
做媽後……為咗方便打理，頭髮愈剪愈短，以前屋企堆積如山的高跟鞋已經慢慢消失，現在已改為著得輕便舒服的AIR波鞋!!
以前……襯足一個鐘頭衫先出街，拎住個只可以放到電話同紙巾的小手袋 / CLUTCH扮下時尚。
做媽後……出門口前用一個鐘幫小朋友飲奶刷牙襯衫換衫，自己長期一件TEE+牛仔褲再加個大袋，小朋友9萬幾樣的日用品全部孭晒上身。123….GO。
以前……WEEKEND會同閨蜜們 SET晒頭、化晒妝去酒店嘆HIGH TEA，飲咖啡，無無聊聊HEA足一個下午!!!
(未結婚鍾意HIGH TEA扮闊太….結咗婚最闊的只有塊面 =.=”’)
做媽後……WEEKEND現在去得最多除咗公園，就係小周董的不同朋友仔的生日PARTY!!
