【CalebMa】New born 7-9個月: 爬行係必經階段，咁點教BB爬呢？

好多家長都有一啲對爬行嘅錯誤想法，

「唔駛教佢爬啦，直接學行就可以啦～」

「爬咁污糟，又驚佢食嘢落肚，都係唔好爬啦～」

「有啲BB天生唔識爬，唔駛刻意教佢啦～」

甚至有好多家長會話：「我個B未爬過，好快就識行啦～」仲覺得好自豪……

其實爬行係小寶寶發展階段必經一個過程，所以skip咗呢個里程碑並唔係一件好事。

現時有好多兒科醫生同治療師仍然鼓勵，即使只係一個短短過渡時間，但仍需鼓勵BB四腳爬爬。

原因係咩？因為爬行幫助BB…….

–         當手腳同時進行活動，有助學習四肢平衡及協調能力。

–         當BB要在地上爬，每一個動作都是在反地心吸力情況下進行，所以就會訓練到BB嘅背肌、膊頭、四肢的力度。

–         因為BB要由一個地點爬到另一地點，需要知道距離感的調節，故此亦幫助佢練習視覺空間感。

–         之間都有講過過中線(cross midline)嘅重要性，爬行亦幫助BB左右腦同時活動。