【許許與小Bella】數盡購入最無謂的BB用品！
2017-11-29
最近執拾一下Bella的衣物儲物櫃，
本來想寫一篇題目：
「用過最實用的BB用品分享」，
誰不知愈翻就愈發覺不對勁，
事關翻出來的都是使用率近乎零的用品，
而且oh my god似乎愈翻愈多，
所以即時要開個題目，
來跟大家數盡我家覺得最無謂的BB用品，
唔知大家屋企又有無呢幾樣嘢呢？
其實這堆物品都是購於孕期跟Bella初生時期，
都是因為第一次做人媽媽，完全無經驗，
購物慾又會被突如其來的母愛推到最顛峰，
就失去理性地買入原來無無謂謂的用品，
只要產品宣傳其功效關於：
BB健康，BB開心，BB舒服，BB安全，為BB好……然後，平又好貴都好，
為娘的都好願意去花費。
以下這堆被翻了出來的用品有點眼冤，
就算俾人都得物無所用咁，
全部都是沒有跟老公商量下購入XD，
（不過同佢商量又等於咩都唔使買）
所以老公成日話我無理智，今次自己都要認啦！
1.沖涼網
無謂度：⭐⭐⭐⭐⭐
Bella出世細粒，所以沖涼真係好難搞。
大盤對佢來說真的太大，每次嚇親佢之餘我自己都好驚浸親佢，所以當時就買了四邊掛起的沖涼網，諗住佢坐下去時有安全感，誰不知仲恐怖，因為好搖而且漂下漂下，仲差過直接坐在盤底，我要捉住佢但個網亦非常阻礙，用了半次放棄，最後俾我找到下圖的初生BB沖涼海棉才解決沖涼安全感問題。
2. 沖涼溫度計
無謂度：⭐⭐⭐⭐⭐
也是用了幾次就無用，而且每次都是記得才會放在水中測溫，因為開完水放溫度計，再等待測出個準確溫度好慢，而且好傻，因為最實際還是用手踭試水溫，自己的感覺最好。
無謂度：⭐⭐⭐⭐⭐
也是用了幾次就無用，而且每次都是記得才會放在水中測溫，因為開完水放溫度計，再等待測出個準確溫度好慢，而且好傻，因為最實際還是用手踭試水溫，自己的感覺最好。
3. 咬咬樂
無謂度：⭐⭐⭐⭐
最初加固想俾Bella食水果，見到咬咬樂好似幾好，BB自己又可以拎住，又不怕啃親，試過放橙、西瓜、蘋果。後來用了幾次我發覺非常不方便，因為每次只可放半隻手指嘅水果，Bella一下子已啜走果汁無興趣，所以最煩是refill嘅頻率非常高，要開合重放水果又洗又抹又消毒，最後直接比水果切條Bella拎住食仲方便。
無謂度：⭐⭐⭐⭐
最初加固想俾Bella食水果，見到咬咬樂好似幾好，BB自己又可以拎住，又不怕啃親，試過放橙、西瓜、蘋果。後來用了幾次我發覺非常不方便，因為每次只可放半隻手指嘅水果，Bella一下子已啜走果汁無興趣，所以最煩是refill嘅頻率非常高，要開合重放水果又洗又抹又消毒，最後直接比水果切條Bella拎住食仲方便。
4. 棉花球
無謂度：⭐⭐⭐⭐
買棉花球是因為育嬰講座中姑娘教的，可用來幫BB抹眼，但用了幾次又覺得無必要跟大棉花分開用，因為原本已經用大塊棉花幫Bella抹臉，每次都會整濕兩三塊，其實已經好夠用，所以後來就無再額外用棉花球了。
