【童心苗】兒童情緒教育 由身體感覺入手

那天跟五歲的侄仔邊畫畫邊聊天。知道他性格比較緊張，身為臨牀心理學家，我好奇他如何理解緊張的感覺。

我：最近我見了個小學生，她因為考試緊張，不願意上學。

他：那怎麼辦？

我：教她一些方法應付……你試過緊張嗎？

他：梗係有啦，昨日媽媽帶我去英文班，遲咗出門口，可能會遲到，我就好緊張。

情緒教育，從身體感覺開始

我：那緊張時身體會怎樣？（職業病，開始進行情緒教育）

他：…… （年紀太小不懂回答）

我：個心會點架？

他：個心會跳架

我：緊張時會跳快啲定跳慢啲呀？

他：梗係跳快啲啦

我：咁呼吸呢？會快咗定慢咗架？

他：哎呀，梗係快咗啦

我：肌肉呢，會鬆啲定緊啲啊？

他：會緊啲

我：咁你係咪都試過，緊張時心跳快咗、呼吸快咗，肌肉又緊啲？ （做個小總結）

他：試過

了解引致緊張的思想

我：你話昨日好趕好緊張，你驚咩呀？ （追問到底，看他究竟害怕甚麼）

他：驚遲到囉

我：遲到會點架？

他：會俾老師鬧

我：我明啦，唔怪得你昨日咁緊張啦（表示認同，肯定情緒）