【小小豬】 健脾開胃 淮山蓮子沙參玉竹湯
2017-03-20
依排我同小小豬都齊齊胃口唔係咁好，唔知點解都總係胃頂頂咁，但又唔係唔舒服，都唔知係咪早排大魚大肉的多所以有點滯，所以都係時間煲啲清滯嘅湯。 原本想煲山渣水，一嚟小小豬又唔鐘意飲，二嚟我自己個胃又唔太接受到，所以都係唔煲依個了金金依個時候當然又去左相熟藥材店請教，最後店主就教我煲依個由淮山、蓮子、沙參及玉竹為主嘅湯。淮山就有助健脾胃；沙參、玉竹就可以養陰潤肺，加埋一齊煲就可以健脾開胃啦！
材料包括淮山1兩；蓮子、沙蔘、玉竹各1兩；麥冬半兩(一兩相等於37.5g)；陳皮一片；南北杏一湯匙及瘦肉約$30~
瘦肉洗淨汆水~
陳皮浸軟刮去皮瓤；其他藥材浸洗一陣~
煲內放約3L水，然後隨水加入陳皮~
待水滾後加入所有材料~
繼續用大火加蓋煲約15-20分鐘~
之後轉慢火加蓋煲多1.5小時~
最後加鹽調味，就可以飲得~
雖然以全藥材嚟煲，不過每樣都係好溫和，所以飲落都唔係好重藥材味，仲帶有少少甜，都幾好飲呀！除左感冒以外，基本上任何時候都好啱一家大細飲，總之就係想飲湯嘅時候就可以煲黎飲！
溫馨提示：由於個別人仕體質不同，所以大家記得煲之前了解下自己，如有疑問，請先向註冊中醫查詢！
小小豬的其他湯水：
作者：小小豬的成長日誌
