【幼稚園面試】港媽心聲：好似趕鴨仔咁
2016-11-16
香港教育愈來愈瘋狂，連帶一眾爸媽只能跟住「癲埋一份」，很多誓神劈願不做怪獸家長的爸媽們都總有質疑自己的時候——改變初衷跟隨教育大洪流？抑或繼續讓孩子盡享快樂童年、贏輸遲啲至算？
有能力自然想俾「最好」
「我係懶媽，阿女要靠自己！」Yuk的女兒在剛過的九月進了N班，未開始預備女兒的升學路就感受到從身邊人而來的壓力。新手媽媽加上跟丈夫「拉車邊」都算中產，自然也想替女兒找「最好」的學習環境。於是，Yuk自去年初便很勤力做Research，只要是別人口中的好學校，不論遠近都找資料看。花多眼亂，最終也如「一般」爸媽一樣，報了人人熱捧的十家八家。
Yuk說其實收細B的N班不算多，但又要上班、下班要趕回家照顧女兒和丈夫，料理家務之餘還要在有限時間下密集地報名、面試，用上了幾個月馬不停蹄，單為N班已經累爆。「原先是想佢多接觸同齡小朋友，有人陪佢玩，」怎料這家好像不錯、那家又聽說幾之下，最終也「大包圍」。
「面試都咁趕，老師真的會有耐性嗎？」
坊間流傳幼稚園的面試大可歸納為學術性強、要求孩子掌握一定知識的；和著重孩子是否懂聽指令、日常會否有自理訓練的，兩類幼稚園Yuk都帶女兒去過，學之園、Think、合一堂、St. Cat、啟思、綠茵、博士山等不論牟利、非牟利的。問Yuk「最好」是甚麼？遊走各校過後，她另有體會。
^學之園幼稚園
「有些學校像趕鴨仔，剛坐低拿起玩具玩一陣又要去第二度做第一個指令，我個女慢熱又跟其他B差幾個月，見到佢都唔知自己做乜！」女兒去面試時只有1歲多，很多指令都唔明，只懂跟住其他B做，結果當然是做錯。惟在Yuk眼中，女兒做到六、七成已經「好叻」 。
「那些趕鴨仔式面試讓我覺得⋯⋯『乜咁嘅？』他們真的會很有心機和耐性教小孩嗎？」奔走過後，Yuk對幼稚園面試抱質疑：「試題劃一，根本無照顧孩子之間的成長差異。」幼兒初探世界有快有慢，每個月都有很大變化，做不到很多時是時辰未到。後來收到各校回覆，有些覺得女兒表現不太好的又收，相反有些表現不俗的卻唔收，即使已看遍Forum貼士，最終只是徒勞。